शिक्षित युवा बेरोजगार भएपछी उनीहरूले पार गर्नसक्ने सिमाको बिषयलाई लिएर निर्माण गरिएको चलचित्र 'तहल्का डटकम' पुष महिनाको अन्तिम साताबाट देशभर प्रदर्शनमा आउने भएको छ ।
दिपक परिकोटीले निर्देशन गरेको सो चलचित्र युवाबर्गलाई लक्षित गरि निर्माण गरिएको बताईएको छ । यसभन्दा अगाडी 'तेजाब' नामक चलचित्र बनाएका दिपकले शिर्षक अनुसार चलचित्रमा चोरी डकैतीको कथालाई प्रस्तुत गरिएको बताए । चलचित्रमा रमित ढुंगाना, दिलिप रायमाझी, ऋचा घिमिरे, पूजना स्त्री, हेमन्त बुढाथोकीलगायतको अभिनय रहेको छ ।
स्पीड ग्रुप अफ मेकर्सको व्यानरमा राजेन्द्रमान श्रेष्ठ, रबिन महर्जन तथा अर्जुन महर्जनले निर्माण गरेको सो चलचित्रमा बसन्त सापकोटा र दिपक शर्माको संगीत, अष्ट महर्जनको द्वन्द, शिव शर्माको नृत्य तथा युवराज राईको छायाँकन रहेको छ । | 
